AAA

POLITIKA | 13.09.2017 16:55

Dikhljaripe e nevipengo vaš 13. septembri 2017. Ko 17,00

NOVI SAD  Biphanglo amalipe e žurnalistengo Vojvodinako hraminga konkursi vaš Beršesko todin e žurnalistenge save ano 2017. berš kerde bare rezultatia ano informišibe ano čhibja e nacionalne minoritetengo. Konkursi vaš todin putardo sito vaš sa žurnalistia save ano vakti maškar 1. januari thaj 15. decembri 2017. Beršeste ikalde majhari trin medisko artiklia ano disave e čhibjenda e nacionalno minoritetengo ano save, ano učo profesionalno thaj etikake forme, promovišinena barvalipe, tolerancia, multikulturako amalipe thaj interkulturalno komunikacie, jase kritika mothavena politikake thaj amalipaske devijacie, vakardo ano mothovdipe.

 
NOVI SAD  Krainako sekretariati vaš edukuibe, aktia, direkcia thaj nacionalno minoritetia mothavela kaj “ano rami e pere djevapibasko” ka dol “djevapibasko devibe dumo” ano reslibe e problemengo ano hramibe e čhavengo migrantjengo ano skole ani Vojvodina. Vakardo ini kaj odova krainako sekretariati dela dumo vaš hramibe e čhavengo migrantjengo ano skole.


BEOGRAD  Ambasadori KAR ani Srbia o Kajl Skot vakarga ano Beogradi kaj hovavibe kaj disavow kerela presia pedi Srbia te khuvol ano NATO. Prekal olleske lafja, NATO siole politika “putarde vudareski” vaš sa raštre save mangena te oven integrišime, num ate paćan decizia e Srbiaki kotar askeriako nautralnost.

Sar missal vaš politika e askeriaki ano neutralnost,o Skot mothavela vaš Švedia thaj Finska. Prekal oleske lafja, nautralnost dela but phare pučipe ano save e Srbia musaj te inarol djevapi. Ambasadori KAR vakarga ini kaj nautralnost našti te ovol “permanentno” soske i Srbia mangela arakhibe vaš peske, a forme vaš olako keribe našti te prminenpe.

 
BEOGRAD  -  Ministri avrune bukengo e Srbiako o Ivica Dačić vakarga ano Beogradi kaj bi Srbiako našti te ovol tehnipe ni stabilipe ano Balkani, sar so na ka ovol odova ni ani Evropaki unia, te sine kaj oj nane ano Balkani.

O Dačić vakarga kaj “bufljaripe e EU investiribe ano arakhibe e Evropako” thaj vakarga kaj integracia ani EU sito fundono reso e Srbiako.

Srbikano ministri vakarga kaj e SRbia mangela konstruktivno dijalogi e savorenca ano regioni ano reso anibe tehnipe thaj stabilipe thaj kaj sito vaš zoralo ekonomiako phanibe sar ini paćavibe aktia e KN ano reslibe e bijekhipaske pučipasko.


BEOGRAD  -  Angluno generaciake e studentjenge save agorisarde jekhberšesko treningi ani Juridikaki klinika vaš arakhibe e diskriminaciata ano Juridikako fakulteti e Univerzitetesko ano Niš avdive dende sertifikatia, a paćavibasko dženo vaš arakhibe jekha jekh polia e Brankica Janković vakarga kaj e Srbiake mangline siton terne juridista save mangena te resen teme kotar umal manušikane hakaja..


BEOGRAD  -  Amerikako ambasdori ani Srbia o Kajl Skot vakarga avdive ano Beogradi kaj andruno dijalogi kotar Kosovo savo vakardo ani Srbia “šukar badžako” nma kaj odova sito “andruno pučipe e Srbiako”.,

“Odova pučipe delape ani došali adresa. Kobor me haćarava o prezidento e Srbiako o Aleksandar Vučić putarga andruno dijalogi, a me sim diplomata”, vakarga o Skot.

Deviba djevpi pedo pučipe e žurnalistengo palo vakeribe e dženenca maškarthemutna konferenciako “Rjaćutno arakhibaski arhiterktura thaj Srbia zumavipe thaj dujgndipe” o Skot vakarga kaj na kamela te haminolpe ano andrune bukja e Srbiake thaj kaj ka adžukaroil rezultatia dijalogeske, vakeriba kaj paćala kaj civilno sektori šaj te ovol ole but semno rola ano odova procesi.

Ano pučipe kotar avibe e Srbiakana listako ani thagarutni Kosovo, o Skot vakarga kaj odova nane pučipe vaš ov već vaš ambasadori e KAR ani Priština.

BEOGRAD  -  Premierka Srbiaki e Ana Brnabić vakarga taharako e ambasadorea Norveškako Arne Sanes Bjornstad savea “sine jekh kaj andruno dijalogi kotar Kosovo thaj Metohia ani Srbia but semno vaš arakhibe majšukar thaj adikardo reso vaš odova pučipe”, mothavdo kotar srbikani thagarutni.

Ambasadori Bjornstad vakarga kaj Thagarutni Norveška ka dol dumo ktoar sa konstruktivno bahamia.


STRAZBUR  -  Dži agor e mandatesko akanutna Evropaka komisiako na ka oven pherde forme vaš khuvibe disava phuvjako e Rjaćutne Balkaneske ano dženutnipe e Evropaka uniako, a palo odova sakoja nevi dženutni musaj angle te anol buti e juridikaka raštraki thaj barvalipe e EU, vakarga avdive o prezidento e Evropaka komisiako o Žan-Klod Junker.

O Junker odova vakarga ano beršesko vakeribe kotar “situacia e Uniaki” ano Evropako parlamenti thaj vakarga kaj “avutne beršeste EU ka ovol pobut e 27 raštrenda dženutne”.

Numa sar vakarga, “forme vaš integrišibe disava phuvjako ani EU kotar Rjaćutno Balkani našti te oven pherde dži agor e mandatesko akanutna Evropaka komisiako” 2019. Beršeste.

“A sakova drom vaš sakoja nevi raštra dženutni musaj te oven sa pherde forme juridikaka raštraki thaj sa barvalipe e EU te oven paćavde”, vakarga o Junker thaj vakasrga kaj “odova apsolutno prioriteti”.


BEOGRAD 
Srbikani rig ano vakeribe e Priština ano palune pandž berša dela sa, a vaš inaribe khonik na lela, denga nota programesko direktori e Centresko vaš maškarthemutno maškaribe thaj adikardo barjaripe o Nikola Jovanović.

“Briselesko haljoviba aktuelno direkciaki ekipa denga anglune ingerencie e raštrake Srbiake ani teritoria Kosovo thaj Metohia, a pale ini faktikčki ingerencie odolethanenge Srbjenge”, vakarga o Jovanović ano autorsko teksti vaš avdivesutno lil Danas.

Ov denga nota kaj ano vakeribe nane arakhlko ni “egzekutivno djevapibe vaš avutni Khupatna e srbikane komunengi, a ni politikaki autonomia vaš šudrorigako Kosovo”.

Konkretno napja vaš elminacia energetsko thaj sakova aver čorolipe.

“Opozicia adjahar musaj e palomarebaska generacia albaniake političarengi te kerol neve thaj funkcionalno relacie, arakhiba ano odova raštrake thaj ekonomiake interesia, sar ini nacionalno resursia”, vakarga o Jovanović.

 

 

 



Produkcia e finansienca ažutinga o Ministribe e kulturako thaj informišibasko e Republikako Srbia. Nevipe vakardo ani akaja produkcia na sikavela bahamia thaj adikaribe e instituciako savi denga ažutipe e finansienca.

KOMENTARI

Broj komentara : 0

Vaše ime*


Vaš e-mail


Vaš komentar*



otkucano 0 od ukupno 1500 karaktera.