AAA

POLITIKA | 11.10.2018 16:00

Dikhljaripe e nevipengo vaš 11. oktobri 2018.


BEOGRAD  -  Prezidento e Srbiako o Aleksandar Vučić denga nota kaj vaš 15 dži 20 berša šaj te dikholpe sito mi «avutnipe e Srbiako pošukar» oleska ideja kotar kompromisno reso vaš Kosovo, ini kar sar vakarga, alo ano fundono opipe dikhipe.

Vakeriba kotar pučipe e žurnalistesko ano Kraljevo, kote sine ano anglalipe keribasko e neva fabrikako germaniaka kompaniako «Leoni», o Vučić phenga kaj sajekh sito gatisardo vaš vakeribe kotar kompromisno reso vaš Kosovo, numa kaj odova pana na dikhelape.

 
BEOGRAD  -  Ano 12 dizja ani Srbia taharako putarde 16 marketia e germaniaka marketing kompaniako Lidl.

O marketia lelape e bukja ano Beograd, Bor, Zrenjanin, Kragujevac, Leskovac, Niš, Novi Sad, Smederevo, Sombor, Subotica, Užice thaj Šabac, a butikerdutno vakti ka ovol sakova dive dži 22.000.

O prezidento e Srbiako o Aleksandar Vučić sine ani ceremonia ano putaribe jekh e pandž Lidl marketi ano Beogradi thaj phenga kaj Lidl ani Srbia investiringa 205 milionia evra thaj pi buti lela 1.553 butikerdutne.

 
KRALJEVO  Germaniaki kompania Leonia avdive ano Kraljevo lela keribe e fabrikako kablengo, štarti ani Srbia, a barvalipe e investiciengo sito 60 milionia evra

Planirimo angluno pogoni baro 6.500 kvadratia, te ovol agorisardo dži agor e beršesko thaj kaj probako produktibe e kablengo setjengo vaš automobilsko industria manglape te ovol legardo dži anglalipe e fabruaresko avutne beršeste, dži kana ka oven pi buti pobut e 1.000 butikerdutne.


KRAGUJEVAC  -  Uče publikako daviutnipe ano Kragujevac denga ano Učo krisi e došalutnenge bahami opipe duj profesionalno askeriake džene ano legardutne thana thaj štar administratoria sebepi bari jag thaj eksplozia ano Tehnikako remont instituti «Đurđe Dimitrijević-Đura» kote mule štar džene 28. februarea 2017. beršeste.

Prekal avdivesutno mothovdipe e Uče publikake daviutnipasko ano Kragujevac davia dendi ko 4. oktobri akale beršeste, opipe D.K ( 55) kotar Kragujevac thaj D.Ž.(48) kotar Čačak save phare kerenape kaj sar profesionalno askeriake džene ano legardutne thana ano TRZ na lele napja vaš arakhibe e askeriako.

 
BEOGRAD  -  Srbikano teniseri o Novak Đoković alo ano štartofinale e masters ano Šangaj palo so peravga 21. teniseri e lumiako Italijani Mark Čekinat palo duj setia, 6:4, 6:0.

Trito teniseri e lumiako peravga ole palo jekh sahati thaj 10 minutia. Ov ano eftato gemi angluno seti lela servisi e Čekinatesta thaj legarga o khelibe, dži kaj dujto seti lela bi našalde gemea thaj bi pobare problemea alo maškar ohto majšukar.


BEOGRAD  -  Profesori ekonomiako ano Filozofsko fakulteti ano Beogradi o Miodrag Zec phenga kaj šukar nevipe so germaniaki marketing kompania Lidl lela pi buti baro gendo e manušengo ani Srbia, numa delape pučipe kobor butikerdutne ka ačhen bi bukja ano tikne marketia.

«Euforia siola politikako semnibe. O manuša kamena disave prezentuibe. Odova siole poro anglalipe, numa sa nići e indikatorengo sito kaj amen ano odova pukto e bukjako savo nane baš majšukar», vakarga o Zec vaš N1 thaj phenga kaj e Srbia na putarga piri kompania ani Germaia, već e Germania amende.

Ov phenga kaj euforia kotar putaribe e neva kompaniako kultorološko fenomeni.

«Naneton ani khangiri, ani Kulunda kobor siton ano Lidl te dikhen kobor molipe siola e čokolada...Odova sito amari civilizacia», phenga ov thaj phenga kaj akava sitoj pobari euforia ze te avol o papa amende.
 

BERLIN  -  Germaniaki ministarka juridikaki e Katarina Barli zorale denga davia kotar plania e nacionalistikaka Alternativaki vaš Germania vaš keribe internet platforma ano save o sikljovne thaj olenge dada šaj te registruinen profesoria save mothavena personalno politikako gndipe.

E Barli phenga kaj «organizuimo registruibe sito banduko e diktaturako».

Ekstremno dahnes rig AfD legarga jekh ađahar portali ano Hamburg a mangela te putarol aver ano nekobor germaniake raštre.
 

BEOGRAD  -  Prezidento e Parlamentesko Srbiako e Maja Gojković phenga kaj vaš manglipe e parlamentesko na kamlape te kinepe kuč thaj specifikane produktia, kobor odova ano palune dive hraminena ulavde medie thaj phegna kaj opipe parlementi kerelape hajka thaj kaj džanela ko odova rodingja.

«Odova sito bifundono kampanja opipe parlamnti thaj sa senatoria thaj adžukargum savore khupatne te reaguina kotar odova, soske sakova tikno čhavo kaja ginavela so hraminena šaj te dikhol kaj publikako kinibe legarena khupatne servisia e Srbiake thaj kaj o parlamenti niavo haljovibe ni phanibe nanolen odole kiniba», vakarga e Gojković ano bešipe e parlamentesko vakeriba kotar pučipe e senatoresko kotar Novi Stranka e Zoran Živkovićeske.


BRISEL  -  Belgiake thagarutne pučena fudbalske menadžeria thaj treneria ano jekhipe e rodipasko kotar finansiake malverzacie, hovavibe thaj phenibe kotar manglino keribe ani belgiaki angluni liga.

Treneri Brižengo Hrvat Ivan Leko avdive ka ovol ašundo, khupatne e menadžerea Dejan Veljković kotar Srbia thaj Belgijanac Mođij Bajat.


BEOGRAD  -  Premierka Srbiaki Ana Brnabić phenga kaj ani legardutni Srpska napredna stranka dikhela but šukar thaj kvalitetno džene thaj kaj gndinela te avol ani odoja partia.

«Musaj te vakarava kaj gndinava te ovav dženutni», vakarga e premirka ano intervju vaš lil «Nedeljnik».


PODGORICA  -  Agencia vaš elektronsko medie Crna Gora verifikuinela sine mi ano programia TV Prva thaj Pink kotar Srbia save siolen nacionalno učharibe ani Crna Gora, ano nakhlo vakti čalavdipasko saikeribe jase vakeribe e bijekhipasko, mothavela o Radio Slobodna Evropa.

Agencia Beta haljovela kaj Ministribe kulturako e Crna Gorako denga protestno lil Antena grupake ano kasko manginutnipe sito Prva TV kotar saikeribe ano taharakosko programi odola televiziako.
 

BEOGRAD  -  Lideria Khedipaske vaš Srbia vakarde ano khedipe ano Bor kaj ano avibe ano thagaripe ka nacionalizuinen thaj ka inaren e dizutnenge rudako barvalipe, pani thaj phuv savo bikimo pedo tikno molipe «deviba mito e dženenge ano thagaripe».

On aratike ano Bor vakarde kaj avrune investitoria manglape te den tehnologia thaj džanibe, a na te len bare raštrake subvencie, a e butikerdutnenge te den hari love.



Produkcia e finansienca ažutinga o Ministibe e rastraka direkciako thaj lokalno korkoro direkciako e Republikako Srbia. Nevipe vakardo ani akaja produkcia na sikavela bahamia thaj adikaribe e instituciako savi denga ažutipe e finansienca.

KOMENTARI

Broj komentara : 0

Vaše ime*


Vaš e-mail


Vaš komentar*



otkucano 0 od ukupno 1500 karaktera.